Drita ka luajtur baras me rezultat 1-1 në udhëtim ndaj Dukagjinit në kuadër të javës së 25-të në elitën e futbollit kosovar. 

Mysafirët ia dolën të kalojnë në epërsi në minutën e 39-të përmes Kostyshyn, i cili me kokë realizoi për 1-0 pas një harkimi fantastik brenda zonës. 

Ky gol bëri që të ketë protesta të mëdha nga vendasit dhe për pasojë Ismet Munishi u ndëshkua me karton të kuq në minutën e 41-të. 

Me të filluar pjesa e dytë, si rrallëherë në futboll, Dukagjini bëri katër zëvendësime qysh në fillim të ndeshjes. 

Këto ndryshime duket se i dhanë lojës së tyre një ngjyrë tjetër, pasi në fund ata ia dolën të barazojnë shifrat. 

Po luhej minuta e 93-të e takimit kur Hekuran Berisha shënoi për të barazuar rezultatin në 1-1 pas asistimit nga Mërgim Pefqeli. 

Pas këtij barazimi, Drita shkon në kuotën e 54 pikëve dhe vazhdon si lidere e tableës, duke lënë mbrapa Ballkanin me 43 sosh. 

Dukagjini në anën tjetër renditet në pozitën e shtatë në tabelë dhe numëron 32 pikë.

Prishtina ka fituar në udhëtim te Gjilani me rezultat 1-0 në ndeshjen e vlefshme për javën e 25-të në Albi Mall Superligën e Kosovës.

Ekipi i Jean-Michel Cavallit nuk ka arritur fitore as pas shtatë ndeshjeve në pranverë, duke shkuar në një seri prej dhjetë takimeve pa fitore radhazi.

Pjesa e parë e ndeshjes u karakterizua me lojë thuajse të barabartë nga të dyja skuadrat, ku nuk munguan rastet, por u shënuan vetëm një gol.

Goli i vetëm në këtë pjesë u shënua nga mysafirët, të cilët me anë të një autogoli nga Senad Jarovic (23’) kaluan në epërsi 0-1.

Në pjesën e dytë, vendasit ishin dukshëm skuadër më e mirë, duke krijuar më shumë raste në tentim për të barazuar rezultatin, por Ardit Nika ishte disa herë shpëtimtar i mysafirëve, ashtu si Kenan Haxhihamza i vendasve.

Megjithatë, kur ndeshja pritej të përfundonte me fitoren e mysafirëve, në skenë doli Marko Roganovic (90+), i cili nga afërsia shënoi me kokë për rezultatin përfundimtar 1-1.

Pas këtij barazimi, Gjilani e sheh veten në pozitën e katërt me 35 pikë, ndërsa Prishtina renditet e pesta me 32 pikë.

Në ndeshjen e ardhshme, kryeqytetasit luajnë në shtëpi ndaj Feronikelit ’74, teksa gjilanasit luajnë si mysafir i rivalëve të Dritës.

Përzgjedhësi i Kombëtares U21 të Kosovës, Afrim Tovërlani, e ka publikuar listën e futbollistëve të ftuar për dy ndeshjet miqësore që do të zhvillohen në këtë muaj në Turqi.Në fakt, ekipi i drejtuar nga Tovërlani do të zhvillojë një kamp stërvitor dhjetëditor në Antalya, nga data 17 deri më 26 mars 2025, ku do t’i luajë edhe këto dy miqësore të rëndësishme. Ky kamp do të shërbejë si një mundësi e mirë për stafin teknik që të analizojë gjendjen e ekipit dhe të testojë strategji të reja për ndeshjet e ardhshme kualifikuese.

• Turqia U21 – Kosova U21 21 mars 2025 | Alanya, Turqi | 20:30 (ora lokale)

• Kosova U21 – Moldavia U2125 mars 2025 | Belek, Turqi | 16:00 (ora lokale)

Përzgjedhësi i Shqipërisë, Sylvinho ka publikuar listën e futbollistëve të ftuar për dy ndeshjet e muajit mars, ndaj Anglisë dhe Andorrës, ku nuk mungojnë risitë.

Kombëtarja e Shqipërisë shqiptare është gati për rrugëtimin e ri në kualifikueset e Kupës së Botës 2026, ku ndodhet në grupin K së bashku me Anglinë, Serbinë, Letoninë dhe Andorrën.

Trajneri brazilian, Sylvinho ka përzgjedhur 26 lojtarë për dy ndeshjet e marsit ndaj Anglisë dhe Andorrës.

Për herë të parë në Kombëtare janë ftuar lojtari i shumëpërfolur Etnik Brruti i Malishevës dhe Juljan Shehu i Widzew Lodz.

Brruti me fanellën e Kosovës U-21
Përveç emrave të rinj, në listë kemi edhe disa mungesa të mëdha si Mario Mitaj, Mirlind Daku, Anis Mehmeti dhe Taulant Seferi.

Grumbullimi zyrtar i kuqezinjve nis të hënën më 17 mars, teksa kombëtarja kuqezi do të luajë ndeshjen e parë ndaj Anglisë në Wembley më 21 mars, në orën 20:45.

Takimi i dytë është më 24 mars ndaj Andorrës në stadiumin “Arena Kombëtare” në Tiranë, në orën 20:45.

Lista e plotë:

Portierë: Thomas Strakosha, Elhan Kastrati, Alen Sherri dhe Simon Simoni.

Mbrojtës: Ivan Balliu, Naser Aliji, Marash Kumbulla, Andi Hadroj, Ardian Ismajli, Berat Gjimshiti, Arlind Ajeti dhe Enea Mihaj.

<img src=”https://albaniannews.net/wp-content/uploads/2025/03/IMG_0865.jpeg” alt=”” width=”662″ height=”825″ class=”alignnone size-full wp-image-92697″ />

Mesfushorë: Ylber Ramadani, Medon Berisha, Qazim Laçi, Kristjan Asllani, Adrion Pajaziti, Etnik Brruti, Juljan Shehu, Nedim Bajrami dhe Arbër Hoxha.

Sulmues: Ernest Muçi, Jasir Asani, Armando Broja, Myrto Uzuni dhe Rey Manaj.

Një aksident i rëndë trafiku ka ndodhur dje në rrugën afër fshatit Domrovcë të komunës së Ranillugut, ku dy vajza kanë humbur jetën dhe njëra është lënduar rëndë. Njëra nga viktimat e këtij aksidenti ishte 23-vjeçarja Arbnora Basha, ish-futbolliste. Presidenti i FFK-së, Agim Ademi i ka dërguar telegram ngushëllimi familjes Basha.

Telegrami i plotë nga kreu i FFK-së:

E nderuara Familje Basha

Me dhimbje të thellë e morëm lajmin për ndarjen tragjike nga jeta të më dashurës suaj, Arbnora Basha, një studente e dalluar dhe e përkushtuar, e cila la gjurmë të pashlyeshme edhe në futbollin kosovar, andaj më lejoni që në emrin tim, KE të FFK-së dhe gjithë komunitetit të futbollit në Kosovë t’ju shpreh ngushëllimet më të sinqerta.

Arbnora përveçse studente ishte edhe sportiste e dalluar. Ajo për shumë vjet ishte pjesë e KF Intelektualet nga Gjilani dhe me krenari e përfaqësoi Kosovën në aktivitetet ndërkombëtare me fanellen e Kombëtares U17.

Me pasionin dhe angazhimin e saj në futboll, ajo shërbeu si shembull frymëzimi që edhe shumë vajza tjera të ndjekin rrugën e sportit, andaj ikja e saj e hershme nga kjo botë ka trishtuar të gjithë komunitetin e futbollit në Kosovë.

Në këto momente të rënda për Ju, jemi pranë jush me zemër e lutje, që ta përballoni këtë dhimbje të madhe.

Po ashtu, ngushëllime të sinqerta i shprehim edhe familjes së Antiana Thaqit, që po ashtu humbi jetën në këtë aksident tragjik.

Me respekt,
Agim Ademi, president i FFK-së

Qëndrimin në Gjakovë, kryeministri i Republikës së Kosovës, Albin Kurti dhe ministri i Kulturës, Rinisë dhe Sportit, Hajrulla Çeku, e vazhduan me vizitën në punimet në Stadiumin e Qytetit, njoftojnë nga kryeministria.

Tutje theksohet se në prill të vitit të kaluar është nënshkruar marrëveshja e bashkëpunimit ndërmjet Ministrisë së Kulturës, Rinisë dhe Sportit dhe Komunës së Gjakovës, përmes së cilës qeveria është zotuar që të ndajë buxhetin e nevojshëm për përfundimin e stadiumit. Për këtë qëllim, Ministria e Kulturës, Rinisë dhe Sportit ka ndarë 9 milionë euro.

Stadiumi i përket kategorisë së IV-të dhe afati i realizimit të kontratës është 36 muaj.

Ballkani ka fituar ndaj Ferizaj në shtëpi me rezultat 2-1 në ndeshjen e vlefshme për xhiron e 25-të në Albi Mall Superligën e Kosovës.

Ekipi i Orges Shehit i është kthyer fitores pas dy humbjeve dhe një barazimi në tri ndeshjet e fundit.

Pjesa e parë e ndeshjes u karakterizua me lojë më të mirë të vendasve, të cilët përveç rasteve arritën ta shënojnë edhe një gol.

Goli i vetëm në këtë pjesë erdhi në minutën e 18-të me anë të sulmuesit Sunday Adetunji, i cili shënoi për epërsinë 1-0.

Në pjesën e dytë, u zhvillua lojë më e hapur dhe me më shumë raste nga të dyja skuadrat, teksa u shënuan edhe dy gola tjerë.

Në fakt u shënuan tre gola, por goli i parë i shënuar në minutën e 70-të nga Atedunji u anulua nga VAR-i dhe vetëm dy minuta më vonë, Antonio Ilieski (72’) barazoi shifrat në 1-1.

Ky gol shkundi vendasit të cilët u hedhen në sulm për të gjetur golin e fitores dhe atë e arritën me anë të Adetunjit (76’), i cili me golin e dytë personal i solli fitoren Ballkanit me rezultat 2-1.

Pas kësaj fitore, Ballkani zë vendin e dytë me 43 pikë, teksa Ferizaj renditet i pesti me 32 pikë.

Në ndeshjen e ardhshme, therandasit luajnë në udhëtim te Llapi, teksa ferizajasit e presin Dukagjinin.

Federata e Futbollit të Kosovës dhe sponsori i Superligës, Albi Mall, vazhdojnë të ndajnë çmimin “Ylli i Javës”. Ky çmim për javën e 24-të në Albi Mall Superligë i është ndarë sulmuesit të FC Malisheva, Altin Aliu.

Aliu shënoi Hat-Trick në fitore 4:1 të Malishevës në ndeshjen kundër SC Gjilani.

Pasi mori këtë çmim, Aliu u shpreh i lumtur që u vlersua më i miri i javës: “Duke e pasur parasysh që SC Gjilani ka pasur ambiciet e veta, jemi përgatitur shumë për këtë ndeshje, sepse këto 3 pikë na japin stabilitet për pjesën e sipërme të tabelës. Jemi përgatitur maksimalisht dhe çdo lojtar e tregoi shpirtin luftarak, andaj edhe dolëm pozitivë në këtë ndeshje.
Që nga fillimi i sezonit, Malisheva ka treguar ambiciet për dalje në Evropë dhe duke e pasur parasysh kontingjentin e lojtarëve që kemi dhe atmosferën e mirë, do ta japim maksimumin që të arrijmë objektivat e klubit dhe suksesin tonë