Franco Foda ka thënë se qëllimi i këtyre miqësoreve është përgatitja për ndeshjet e muajit shtator.

Përzgjedhësi i Kombëtares së Kosovës ka deklaruar se në ekipin kombëtar ka eufori të madhe pas kalimit në Ligën B të Ligës së Kombeve.

“Sigurisht që qëllimi kryesor që do t’ia tregoj edhe ekipit, përkundër se janë ndeshje miqësore duhet të fitohen patjetër ato”.

“Momentalisht kemi një eufori pasi jemi ngritur edhe në Ligën e Kombeve në Ligën B dhe tani kemi nevojë që atë energji që e kemi akumuluar ta vazhdojmë tutje”.

“Sigurisht që qëllimi kryesor që do t’ia tregoj edhe ekipit, përkundër se janë ndeshje miqësore duhet të fitohen patjetër ato”.

“Momentalisht kemi një eufori pasi jemi ngritur edhe në Ligën e Kombeve në Ligën B dhe tani kemi nevojë që atë energji që e kemi akumuluar ta vazhdojmë tutje”.

“Kemi ftuar lojtarë të rinj dhe sigurisht

Në historinë e futbollit shqiptar, rrugëtimi i lojtarëve drejt klubeve të mëdha europiane shpesh ka qenë i lidhur ngushtë me figura të rëndësishme menaxheriale, të cilët kanë ditur të ndërmjetësojnë dhe të hapin dyer në tregjet më konkurruese të kontinentit. Një prej tyre është pa dyshim Enver Raçi, menaxheri shqiptar me përvojë të gjerë në futbollin ndërkombëtar.

Në vitin 2001, Raçi luajti një rol kyç në transferimin e Igli Tares në klubin italian Brescia, një hap i rëndësishëm në karrierën e sulmuesit shqiptar që në atë kohë tashmë kishte tërhequr vëmendjen me paraqitjet e tij në Gjermani. Ky transferim erdhi pas periudhës së Tares te Kaiserslautern, ku ai kishte bërë emër si një nga shqiptarët e parë që shkëlqeu në Bundesliga, shkruan Albanian News!

Falë ndërhyrjes dhe kontakteve të drejtpërdrejta të Enver Raçit me drejtues të klubit italian, Tare gjeti rrugën drejt Serie A, ku do të përballej me disa nga emrat më të mëdhenj të futbollit botëror. Në Brescia, ai u bë pjesë e një skuadre që përfshinte edhe legjenda si Roberto Baggio, duke e vendosur Shqipërinë në hartën e futbollit elitar europian.

Më pas Tare luajti edhe për dy klube tjera Bologna dhe Lazio. Te kjo e fundit ai kaloj një kohë të suksesshme edhe në detyrën e drejtorit sportiv. Derisa së fundi ish futbollisti i kombëtares shqiptare u emëruat drejtor sportiv i AC Milan.

Menagjeri, m Raçi nuk është i panjohur për komunitetin sportiv shqiptar. Me një rrjet të gjerë kontaktesh në Itali, Kroaci, Gjermani dhe më gjerë, ai ka qenë pjesë e shumë negociatave dhe transferimeve të rëndësishme për futbollistët shqiptarë. Kontributi i tij nuk kufizohet vetëm te Tare; ai ka qenë faktor vendimtar në afirmimin e shumë talenteve të reja që sot përfaqësojnë vendin me krenari nëpër klubet më të mëdha të Europës.

Sot, kur e kthejmë kokën pas, transferimi i Igli Tares në Brescia në vitin 2001 shihet jo vetëm si një sukses individual për lojtarin, por edhe si një tregues i vizionit dhe aftësisë së menaxherit shqiptar Raçi. Ishte një hap që jo vetëm i dha hov karrierës së Tares, por gjithashtu rriti besimin e klubeve të huaja ndaj futbollistëve shqiptarë.

Në një treg futbolli gjithnjë e më të globalizuar, figura si Raçi mbeten të pazëvendësueshme për futbollin shqiptar – ura të sigurta drejt suksesit në arenën ndërkombëtare.

Më pak se 10 ditë larg ndeshjes së radhës kualifikuese të Shqipërisë përballë Serbisë dhe kryefjala mbetet më tepër tek bileta pasi sportdashësit fitoren e konsiderojnë një detyrim më shumë se sa në ndeshjet e tjera të kuqezinjve përballë këtij kundërshtari, si rrjedhojë janë të shumtë ata që do të duan të jenë dëshmitarë të saj në Arenën Kombëtare më 7 qershor.

Në një intervistë për Top Channel, sekretari i përgjithshëm I FSHF-s, Ilir Shulku tregon se çfarë ndodh me procesin e biletave që ndryshe nga takimet e tjera për këtë ndeshje janë me prenotim dhe më pas me një short kompjuterik të rastësishëm.

“Ka mbetur edhe një ditë nga prenotimi i biletave që është data 30 maj pasi procesi i prenotimit ka filluar më 15 maj dhe ndryshe nga ndeshjet e tjera këtë herë ka patur një kërkesë mbi 200 mijë bileta ndërkohë që kapaciteti I stadiumit është 22 mijë vende. Për të hyrë në stadium do të duhet që sportdashësit të kenë me vete edhe një kartë ID që korrespondon me emrin në biletë për ndryshe nuk do të futen dot”, tha Ilir Shulku, sekretar i përgjithshëm i FSHF-së.

A ka patur masa ekstra nga policia për këtë ndeshje dhe keni patur komunikime?

Shulku: Po kemi patur disa takime me drejtuesit e policisë dhe më I fundit ishte dje pasi kjo ndeshje konsiderohet me risk të lartë dhe këtë herë policia do të ketë masa shumë të rrepta dhje do të ketë disa rrethime kontrolli.

Në aspektin sportiv si e shihni këtë ndeshje sa I përket ngarkesës dhe presionit që e rrethon?

Shulku: Ndonjëherë ngarkesa të tilla e kalojnë cakun dhe nuk bën mirë, por lojtarët tanë aktivizohen në klube të rëndësishme në Europë dhe patjetër që unë jam optimist dhe besoj se I kemit ë gjitha shanset për të fituar.

Shqipëria ka zhvilluar deri më tani dy ndeshje sa I përket fushatës eliminatore të Botërorit 2026-të me Anglinë dhe Andorrën nga të cilat ka fituar 3 pikë duke u renditur e dyta pas 3 luanëve në Grupin K, ndërkohë që Serbia do të zhvillojë ndeshjen e parë pikërisht ndaj Shqipërisë më 7 qershor në këtë fushatë eliminatore të botërorit.

Futbollisti Dijar Nikçi po tërheq gjithnjë e më shumë vëmendje në skenën futbollistike kosovare. Sulmuesi i talentuar i Lirisë ka lënë gjurmë me paraqitjet e tij të fundit, veçanërisht në ndeshjen e barazhit ku gjeti rrjetën dhe ndihmoi ekipin prizrenas të ruajë statusin në Ligën e Parë.

Që nga momenti kur iu bashkua Lirisë në pjesën e dytë të kampionatit, Nikçi ka shkëlqyer me gola dhe asistime vendimtare. Forma e tij e lartë nuk ka kaluar pa u vërejtur – burime të afërta me lojtarin tregojnë se disa klube të Superligës së Kosovës tashmë kanë shprehur interesim për të siguruar shërbimet e tij për edicionin e ardhshëm.

Nikçi nuk është një emër i panjohur në futbollin shqiptar. Ai më parë ka qenë pjesë e klubeve nga Shqipëria si Tirana, Teuta dhe Vora, ku ka fituar përvojë të vlefshme në nivele të ndryshme të konkurrencës. Kjo përvojë e ka ndihmuar të përshtatet shpejt në kampionatin kosovar dhe të bëhet një pikë referimi për Lirinë.

Edhe pse kontrata e lidh ne prizrenasit, në ditët në vijim të jenë vendimtare për të ardhmen e tij. Vetë lojtari ka lënë të kuptohet se është i përqendruar te performanca në fushë, ndërsa për të ardhmen do të vendosë me kujdes, duke parë ofertat në tavolinë.

Transferimi i mundshëm i Dijar Nikçit drejt një klubi të Superligës do të ishte një hap i rëndësishëm në karrierën e tij, por edhe një tregues se Liria mbetet një trampolinë për talente që synojnë majat e futbollit në vend.

Kosova ka marrë pjesë aktive në iniciativat globale të FIFA-s për zhvillimin e futbollit të grave, duke treguar angazhim të fortë për avancimin e futbollit për femra dhe krijimin e mundësive të barabarta në futboll.

Në këtë kuadër është mbështetja për 30 trajneret femra nga Kosova që morën pjesë në programin UEFA C Licence, i mbështetur nga Programi i Bursës për Trajnerë të FIFA-s. Ky program është pjesë e Strategjisë për Futbollin e Grave të Federatës së Futbollit të Kosovës (FFK) për periudhën 2024-2028 dhe ka për qëllim zhvillimin e aftësive të trajnerëve të rinj dhe rritjen e cilësisë së stafeve trajnues në vend.

Për këtë arritje të FFK-së ka shkruar edhe faqja zyrtare e shtëpisë së futbollit botëror, sipas të cilës FIFA është pjesë e angazhimit të vazhdueshëm të organizatës për të fuqizuar gratë në pozita udhëheqëse dhe trajnimi në futboll.
Pjesëmarrja e Kosovës në këtë program është një pjesë e rëndësishme e përpjekjeve globale të FIFA-s për të arritur objektivin e saj të madh, të arritjes së ‘60 milionë lojtareve femra’ deri në vitin 2027. Programet zhvillimore të FIFA-s, të cilat janë të hapura për të gjitha 211 Asociacionet Membre (MAs), ofrojnë mundësi mbështetjeje për të avancuar sportin dhe për të ndihmuar vendet si Kosova në rritjen e nivelit të futbollit të grave dhe krijimin e mundësive për talente të reja.
Në këtë kontekst, edhe futbolli i femrave në Kosovë është duke përjetuar një periudhë rritjeje dhe zhvillimi, duke kontribuar për forcimin e pozicionit të Kosovës në arenën ndërkombëtare të futbollit.

Edicioni 2024/25 në Albi Mall Superligën e Kosovës ka përfunduar me Dritën që mbylli kampionatin si kampione, duke regjistruar një fitore bindëse 4-1 ndaj Feronikeli ’74 në xhiron e fundit.

Ballkani, që përfundon sezoni si nënkampion, barazoi 2-2 në derbin lokal ndaj Suharekës, pavarësisht se luajti me një lojtar më pak për më shumë se një pjesë loje pas përjashtimit të Bernard Karricës në minutën e 43-të.

Malisheva siguroi vendin në kualifikimet për Ligën e Konferencës pas një barazimi 2-2 ndaj Prishtinës në stadiumin “Fadil Vokrri”, rezultat që u mjaftoi për ta tejkaluar konkurrencën për vendin evropian. Prishtina, ndonëse jashtë pozicioneve të larta në ligë, e kishte siguruar pjesëmarrjen në Evropë përmes fitores në Kupën e Kosovës.

Në takimet e tjera, Gjilani dhe Ferizaj ndanë pikët pas një barazimi 2-2, me Ferizajn që humbi mundësinë për kualifikim evropian. Llapi triumfoi 3-1 ndaj Dukagjinit, duke siguruar pjesëmarrjen në barazh, ku do të përballet me Vushtrrinë për të përcaktuar fatin në sezonin e ardhshëm.

Drita do të përfaqësojë Kosovën në kualifikimet për Ligën e Kampionëve, ndërsa Ballkani dhe Prishtina do të luajnë në kualifikimet për Ligën e Evropës. Malisheva do të jetë pjesë e kualifikimeve për Ligën e Konferencës.

Suhareka dhe Feronikeli ’74 kanë rënë nga elita, ndërsa vendet e tyre do të zëvendësohen nga Prishtina e Re dhe Drenica, të cilat siguruan promovimin nga Liga e Parë.