Drita ka shënuar fitore ndaj Prishtinës me rezultat 2-0 në derbin e javës së 29-të të Superligës së Kosovës.

Gjilanasit e nisën shumë mirë takimin, duke realizuar në aksionin e parë të mirë.

Veton Tusha bukur u fut në zonë në minutën e 13-të, dribloi dy lojtarë të Prishtrinës për të gjetur rrjetën për 1-0.

Në minutën e 25-të, i njëjti lojtar arrin të shënojë një gol shumë të bukur për 2-0.

Prishtina tentoi të kthehej në pjesën e dytë, por nuk ia arriti.

Alban Shillova dhe Leonat Vitija kishin raste, por nuk e gjetën cakur për të hapur ndeshjen.

Drita shënoi edhe njëherë me Besnik Krasniqin, por që u anulua me VAR për pozitë jashtë loje.

Drita është shumë afër titullit të kampionit, pasi udhëheq me 63 pikë, ndërsa Prishtina mbetet e pesta me 38 pikë.

Llapi dhe Ferizaj kanë shënuar fitore në kuadër të javës së 29 në ‘Albi Mall Superligë’.

Llapi ka mposhtur në ‘Zahir Pajaziti’ Feronikelin 74, me rezultat 1:0. Golin e vetëm e ka shënuar Ardit Tahiri nga penalltia, në minutën e 45.

Me këtë fitore Llapi është ngritur në pozitën e shtatë në tabelë me 36 pikë, kurse Feronikeli ka mbetur në pozitën e fundit me 14 pikë.

Fitore ka shënuar edhe Ferizaj e cila ka mposhtur Malishevën 1:0.

Golin për Ferizajn e shënojnë Sadriu në minutën e 41.

Pas kësaj fitore Ferizaj është ngjitur në pozitën e katër me 41 pikë. Kurse Malisheva vazhdon te mbetet në vendin e tretë me 47 pikë./Albanian News

Golashënuesi më i mirë i Dinamo Bukureshtit, Astrit Selmani, është afër transferimit te skuadra tjetër rumune, Cluj.

Te Cluji po bëhen gati për edicionin e ardhshëm, ndërsa pjesë të projektit e shohin edhe Selmanin. Sulmuesi 27-vjeçar nuk ka pranuar vazhdimin e kontratës me Dinamon. Selmani ka shënuar 14 gola dhe ka asistuar gjashtë herë në 34 ndeshjet e këtij edicioni.

“Dan Petrescu ka shprehur dëshirën për ta pasur Selmanin në skuadër. Ardhja e Selmanit mund të jetë e rëndësishme për Clujin, që dëshiron të rinovojë skuadrën dhe të përmirësojë efikasitetin në sulm”, shkruan sajti rumun “pescurt.ro” të hënën.

Pjesë e Clujit janë Meriton Korenica dhe Lindon Emërllahu. Në Rumani me sukses kanë luajtur dhe vazhdojnë të luajnë edhe shumë futbollistë shqiptarë.

Federata e Futbollit të Kosovës dhe sponsori i Superligës, Albi Mall, vazhdojnë të ndajnë çmimin “Ylli i Javës”. Ky çmim për javën e 28-të në Albi Mall Superligë i është ndarë sulmuesit të KF Llapit, Ardit Tahirit.

Vlerësimi i më të mirit të javës është bërë nga Komisioni i Veteranëve të Futbollit, në përbërje të Enver Prapashtica, Milaim Humolli dhe Isuf Llulmnica.

Ky komision vendosi që çmimi “Ylli i Javës” për xhiron e njëzet e tetë t’i takojë Ardit Tahiri, i cili shënoi dy golat në fitoren 2:3 të Llapit në ndeshjen e rëndësishme kundër SC Gjilani.

Pasi mori këtë çmim, Tahiri u shpreh i lumtur që u vlersua më i miri i javës: “Ishte një ndeshje shumë e vështirë dje. Jemi përgatitur maksimalisht që të dalim me pikë të plota dhe ja arritëm. Ishte një ndeshje e luftuar nga lojtarët deri në fund, treguam që kemi shumë karakter brenda ekipit dhe u shpërblyem me tri pikë”.

“Forma ime nuk do të vinte në pah nëse ekipi nuk do të funksiononte mirë – kjo është falë bashkëlojtarëve”.

“Qëllimi ynë është që të fitojmë të gjitha ndeshjet e fundit dhe të dalim në garat evropiane, qoftë përmes Kupës apo përmes Ligës, pasi që të dyja gjasat i kemi. Por qëllimi kryesor mbetet Kupa e Kosovës”.

“Të shpallesh më i miri i xhiros është ndjenjë shumë e mirë, pasi që kjo ka shije edhe më të mirë kur fiton. Falënderoj bashkëlojtarët dhe familjen time për përkrahjen.” – tha ai për faqen zyrtare të FFK-së.

Mesfushori i Kombëtares së Kosovës, Valon Berisha ka qenë i ftuar në emisionin sportiv në ATV ku foli për gjasat që ka ekipi “dardan” në kualifikimet e Botërorit 2026.

Ai tha se vetëm Suedia është më e forta në grup, duke parë yjet që i posedon kjo kombëtare

Ndërkaq për Zvicrën dhe Slloveninë, ai thotë se Kosova është në të njëjtin nivel.

“Suedia kombëtare me yje, por Sllovenia dhe Zvicra janë nivel i jonë, kemi gjasa për kualifikim në Botëror”, u shpreh Berisha

Liderja e tabelës, Drita e ka gjetur humbjen në stadiumin “Liman Gegaj”.

Malisheva mori një fitore të madhe ndaj Dritës, me një rezultat minimal prej 1-0.

Në ndeshjen e luajtur për xhiron e 28-të të Superligës, ishte Malisheva që mori tre pikë të mëdha, me golin e shënuar nga Besnik Ferati, në fund të pjesës së parë.

Drita kishte mundësinë të barazonte rezultatin dy herë, por që Besnik Krasniqi nuk ishte i saktë nga pika e bardhë.

Me këtë humbje, Drita mbetet në kuotën e 60 pikëve, dhjetë më shumë se Ballkani në vendin e dytë.

Malisheva vazhdon presionin ndaj Ballkanit, duke shkuar në 47 pikë pas 28 ndeshjeve

Sot mbyllet java e 28-të e Superligës së Kosovës në futboll.

Në program për ditën e sotme janë dy ndeshje mjaftë interesante.

Në stadiumin ”Liman Gegaj” në Malishevë, skuadra e Malishevës do të jetë nikoqire e Dritës.

Kjo ndeshje është e rëndësishme për të dyja skuadrat, ku do të kërkojnë tre pikët.

Drita është lidere e tabelës me 60 pikq, ndërsa Malisheva renditet e treta me 44 pikë.

Ndeshja tjetër e ditës zhvillohet mes Gjilanit dhe Llapit

“Skifterat” kanë 38 pikë dhe renditen në vendin e pestë, ndërsa Llapi me 30 po lufton për mbijetesë, duke u renditur në vendin e nëntë me 30 pikë.

Të dy ndeshjet nisin nga ora 15:00.

Kombëtarja e Kosovës në futsall ka pësuar humbjen e katërt në kuadër të Grupit 10 për kualifikimet e Kampionatit Evropian “Euro 2026”, duke u mposhtur nga Gjeorgjia me rezultat 3-1.

Ndeshja u zhvillua në Pallatin e Rinisë dhe Sportit në Prishtinë, ku Dardanët pavarësisht përkushtimit dhe paraqitjes mbresëlënëse nuk arritën të konkretizojnë rastet e shumta që krijuan.

Nga afër këtë ndeshje e përcollën edhe presidenti i FFK-së, Agim Ademi dhe përzgjedhësi i Kombëtares A të Kosovës, Franco Foda, i cili paraprakisht kishte ndjekur edhe ndeshjen e javës së 28-të të Albi Mall Superligës, Dukagjini – Ballkani.

Ashtu si në sfidën e parë të luajtur në Tbilisi, ku rezultati ishte po ashtu 3:1 në të mirë të Gjeorgjisë, të përzgjedhurit e trajnerit Agon Ramadani dominuan për periudha të gjata të lojës, por mungesa e finalizimit dhe cinizmi i kundërshtarit bënë diferencën.

Shifrat i zhbllokoi Giorgi Ghavtadze, në minutën e 16-të me një gjuajtje me vole pas harkimit nga këndi. Dardanët barazuan rezultatin në minutën e 31-të, me golin e Mërgim Dervishajt.

Megjithatë, entuziazmi tek lojtarët dhe tifozët në tribuna u shua shpejt, kur Nika Kharatishvili realizoi vetëm një minutë më vonë për të rikthyer epërsinë e mysafirëve.

Ndërkohë, në momentet kur Kosova po sulmonte me të gjitha forcat për të barazuar shifrat, Archil Sebiskveradze realizoi në portën e zbraztë në minutën e 38-të.

Kosova do ta mbyllë këtë cikël kualifikues me ndeshjen e fundit kundër Bullgarisë si mysafire.