Dy ndeshje tejet interesante të Superligës së Kosovës në futboll, java e 28-të zhvillohen sot.

Dukagjini e pret Ballkanin në stadiumin “18 Qershori” në Klinë.

Ky takim nis nga ora 15:00 dhe gjyqtari kryesor do të jetë Dardan Çaka.

Ndeshja tjetër është ajo mes Feronikelit 74 dhe Ferizajt, që nis nga ora 15:00 dhe zhvillohet në stadiumin “Rexhep Rexhepi” në Drenas.

Federata e Futbollit e Kosovës dhe Komuna e Prishtinës kanë nënshkruar Memorandumin e Bashkëpunimit përmes të cilit do të bëhet organizimi i Ligës së Shkollave në futboll. Memorandumi është nënshkruar nga presidenti Agim Ademi dhe kryetari i kryeqytetit, Përparim Rama. Ky projekt i rëndësishëm ka për synim promovimin e sportit dhe zhvillimin e talenteve të reja në mesin e të rinjve.

Ky projekt do të implementohet nga organizata “Prishtina Tournament” dhe do të përfshijë 44 shkolla fillore të ulëta dhe 13 shkolla të mesme të Komunës së Prishtinës.
Në këtë iniciativë janë të përfshira edhe Drejtoria e Arsimit, Drejtoria e Sportit si dhe Shoqata e Sporteve Shkollore në Prishtinë, të cilat do të kenë rol kyç në realizimin dhe mbikëqyrjen e kësaj lige.

Ky memorandum paraqet një hap të rëndësishëm drejt fuqizimit të aktiviteteve sportive në shkolla dhe përforcimit të bashkëpunimit ndërinstitucional për zhvillimin e brezave të rinj përmes sportit më të dashur – futbollit.

Në stadiumin “Fadil Vokrri” në Prishtinë, Kombëtarja A e Kosovës e femrave në futboll ka zhvillua ndeshjen kthyese kundër Maqedonisë së Veriut. Garë kjo e vlefshme për Ligën e kombeve në kuadër të Grupit e 6-të.
Kosova ka shënuar fitore me rezultat 3:0.
Shënuese:
Kaltrina Biçkaj 50’, 66’ dhe Ertels Mehmeti 85’.
Në ndeshjen e parë Kosova mundi Maqedoninë e Veriut në udhëtim me rezultat bindës 4:0.
Në takimin e radhës Kosova luan kundër Letonisë në udhëtim.
Në këtë grup kryeson Letonia me 6 pikë, por një takim më pak të zhvilluar, kurse Kosova është e dyta po ashtu me 6 pikë.

Skuadra e Dritës ka arritur marrëveshje me trajnerin Zekirija Ramadani për ta vazhduar kontratën edhe për dy vite tjera.

Kështu ka raportuar skuadra gjilanase të martën në rrjetet sociale.

Ramadani po e udhëheq Dritën këtë edicion drejt titullit të kampionit.

“Në ambientet e klubit në prani të drejtorit gjeneral z. Feti Murseli është zyrtarizuar vazhdimi i bashkëpunimit me trajnerin Zekirija Ramadani edhe për dy vite të tjera.

Besimi i klubit ndaj trajnerit Ramadani vazhdon të mbetet i palëkundur në atë që klubi ka projektuar që nga dita e parë kur Zeka iu bashkua ekipit tonë”, ka shkruar Drita.

Drita është lidere në elitën e futbollit kosovar dhe është në rrugë shumë të mirë për ta fituar titullin.

47-vjeçari Ramadani u emërua trajner i Dritës në nëntor të vitit 2023.

Deri më tani e ka drejtuar Dritën në 62 ndeshje. Ka shënuar 38 fitore, 13 barazime dhe 11 humbje.

Dukagjini ka arritur të shënojë fitore ndaj me rezultat 3-1 në kuadër të javës së 27-të të Superligës së Kosovës.

Vendasit e nisën më mirë takimin, duke rrezikuar disa herë portën e Llapit, ku pas disa tentimeve erdhi edhe goli.

Zhvillohej minuta e 36-të, kur Hekuran Berisha përftoi nga një tollovi në zonë, duke shënuar për 1-0.

Me të filluar pjesa e dytë, Dukagjini bëri hap të madh drejt fitores, me Faton Nezirin i cili arriti ta mposht portieri Marjan Coric për 2-0.

Llapi u kthye në lojë pasi fitoi penallti, ku nga pika e bardhë ishte i saktë Ardit Tahiri për 2-1.

Por gjërat u përkeqësuan për Llapin, kur Ahmed Januzi u ndëshkua me të kuq.

Në kohën shtesë, nga një kundërsulm i shpejtë, Dukagjini shënoi golin e tretë me Faton Nezirin, i cili përfitoi nga një dalje e gabuar e portierit Coric për të shënuar për 3-1.

Dukagjini tani ka 35 pikë dhe mban vendin e shtatë, ndërsa Llapi është i nënti me 30 pikë.

Sot mbyllet java e 27-të e Superligës së Kosovës në futboll.

Ndeshja e vetme e cila zhvillohet sot, është ajo mes Dukagjinit dhe Llapit.

Në stadiumin ”18 Qershori” në Klinë, do të zbresin dy skuadrat të cilat po luftojnë për mbijetesë.

Dukagjini është në vendin e tetë me 32 pikë, dy më shumë se Llapi e cila renditet e nënta në tabelë.

Ballkani ka shënuar fitore me rezultat 3-1 në shtëpi ndaj Suharekës në kuadër të javës së 27-të në elitën e futbollit kosovar.

Vendasit kaluan në epërsi në minutën e 30-të përms Almir Kryeziut i cili realizoi për 1-0 pas asistimit të Geralb Smajlit.

Pak minuta pa përfunduar pjesa e parë Ballkani e gjeti edhe golin e dytë me anë të Sunday Adetunji i cili shënoi për 2-0 pas asistimit të Bleart Tolajt.

Në pjesën e dytë Suhareka ishte tejet e pafat pasi atyre iu anuluan dy gola të shënuar nga Mevlan Zeka.

Goli që fundosi përfundimisht Suharekën erdhi në minutën e 73-të kur Marsel Ismajlgeci realizoi për 3-0 pas asistimit të Giovanni Ribeiros.

E tëra çfarë mund të bënte Suhareka në këtë sfidë ishte një gol i bukur nga Endrit Krasniqi i shënuar në minutën e 78-të nga gjuajta e lirë për 3-1.

Me këtë fitore Ballkani shkon në kuotën e 47 pikëve dhe tani ka 13 më pak se Ballkani që është lider me 60 sosh.

Suhareka në anën tjetër pozicionohet në vendin e shtatë në renditje me 32 pikë të grumbulluara.

Gjilani ka triumfuar 1-0 ndaj Ferizajt në kuadër të javës së 27-të në Albi Mall Superligën e Kosovës.

Ndeshja ishte e barabartë mes dy skuadrave, ndërsa fati i duelit u përcaktua në minutat e fundit.

Pjesa e parë kishte raste të mira shënimi për të dyja ekipet, por që deri te portat e njëra-tjetrës mungonte efikasiteti.

Gjilani ishte shumë me fat, pasi në minutën e 81-të, Filip Gligorov i Ferizajt shënoi në portën e tij.

Me këtë fitore, Gjilani ka shkuar në kuotën e 38 pikëve, ndërsa Ferizaj ka tri më pak.

Në xhiron e 28-të, Gjilani do të takohet me Llapin, ndërsa Ferizaj do të ketë punë me Feronikelin ’74.

Elvis Rexhbeçaj tashmë është prej lojtarëve kryesorë te Kosova. Ndonëse nisi me ndeshje vetëm në shtatorin e vitit të kaluar, 27-vjeçari është lider i pakontestueshëm i mesfushës. Golin e parë e shënoi më 20 mars në fitoren 2:1 ndaj Islandës. Më 23 mars, Kosova fitoi 3:1 ndaj Islandës dhe me rezultatin e përgjithshëm 5:2 avancoi në Ligën B të Ligës së Kombeve.

Rexhbeçaj flet me entuziazëm për suksesin e Kosovës.

“Kemi shkruar histori në ekzistencën e shkurtër të Kosovës”, ka thënë Rexhbeçaj për “Augsburger Allgemeine”.

Në shtator “Dardanët” nisin me kualifikime për Botërorin 2026. Janë në grup me Zvicrën, Suedinë dhe Slloveninë. Mesfushori i Augsburgut të Bundesligës është optimist.

“Nuk duam vetëm të garojmë në kualifikimet për Kupën e Botës. Kemi ambicie. Ndoshta edhe do t’ia dalim të kualifikohemi në një ngjarje të madhe një ditë”, thotë mesfushori defanziv.

Bashkimi me Kosovën i mundëson Elvisit që të takojë shumë më shpesh familjarët që i ka në Prizren. Në të kaluarën ata i ka parë gjatë pushimeve të verës apo të dimrit.

“Mund të përdori ndeshjet ndërkombëtare për të kaluar më shumë kohë me familjen time në vendin e lindjes”, ka thënë Rexhbeçaj për mediumin lokal të Augsburgut.

Ai ka luajtur për Wolfsburgun, Kolnin e Bochumin, ndërsa prej vitit 2022 është tek Augsburgu. Është lojtar që kryen shumë detyra në fushë, por që nuk shihet shumë nga shikuesit. Por edhe lojtarët e tillë janë shumë të kërkuar në nivelin e lartë të futbollit. Celticu skocez dhe Beshiktashi turk janë prej klubeve që kanë shprehur interesim për Rexhbeçajn. Por reprezentuesi i Kosovës mbetet i relaksuar.

“Gjithnjë kam thënë se jam i interesuar të lëvizi jashtë Gjermanisë. Por nuk më duhet ta bëj këtë tani. Bisedimet me Augsburgun po zhvillohen, çdo gjë është e relaksuar dhe nuk kemi presion afatet kohore”, ka thënë Rexhbeçaj.

Ai ka kontratë deri në qershorin e vitit 2026. Nëse klubi gjerman dëshiron të shmangë rrezikun për ta “humbur” Rexhbeçajn pa dëmshpërblim, duhet t’ia vazhdojë kontratën më herët. Ai ndihet mirë në Augsburg, në aspektin sportiv dhe personal. Ka bërë shumë miq. Ai e di se çka ka në klub dhe drejtuesit e klubit e dinë se çka dëshiron ai.

Superliga e Kosovës në futboll vazhdon edhe sot me dy ndeshje interesante.

Ndeshjet janë të vlefshme për javën e 27-të.

Vëmendja kryesore do të jetë në derbin lokal të Suharekës, ku kampioni në fuqi Ballkani do të përballet me FC Suharekën.

Skuadra e Ballkanit renditet në vendin e dytë me 44 pikë, ndërsa Suhareka ndodhet në vendin e shtatë, me 32 pikë.

Ndëkohë në stadiumin me bari artificial në Gjilan, do të zhvillohet ndeshja mes Gjilanit dhe Ferizajit.

Gjilani renditet në pozitën e 4 pestë me 35 pikë, aq sa ka edhe Ferizaji në vendin e gjashtë.

Të dy ndeshjet nisin nga ora 15:00.